Ջեդովիչ. Բաքուն և Բելգրադը համաձայնագիր կստորագրեն ադրբեջանական գազի մատակարարումների վերաբերյալ

Ադրբեջանն ու Սերբիան շուտով համաձայնագիր կստորագրեն ադրբեջանական գազի լրացուցիչ մատակարարումների վերաբերյալ։

Ինչպես հաղորդում է Caliber.Az-ը՝ վկայակոչելով Սերբիայի հանքարդյունաբերության և էներգետիկայի նախարարությանը, այս մասին հայտարարել է գերատեսչության ղեկավար Դուբրավկա Ջեդովիչ Հանդանովիչը Srbijagas ընկերության նախագահ Դուշան Բայատովիչի հետ հանդիպմանը։

 «Նախարարը Բայատովիչի հետ քննարկել է «Բանացկի դվոր» ստորգետնյա գազապահեստարանի ընդլայնման և ջեռուցման սեզոնին պատրաստվածության հարցերը։ Միաժամանակ նախարարը գոհունակություն է հայտնել ինչպես Սերբիայում, այնպես էլ Հունգարիայում գազի պահեստարանների լիցքավորման մակարդակից՝ հավելելով, որ համաձայնեցված է նաև Ադրբեջանից լրացուցիչ մատակարարումների հարցը»,- ասվում է տեղեկատվության մեջ։

«Նոյեմբերին մենք կունենանք 750 միլիոն խորանարդ մետր գազ «Բանացկի դվոր» ստորգետնյա գազապահեստարանում և 163 միլիոն խորանարդ մետր գազ՝ Հունգարիայում գտնվող գազապահեստարանում: Մենք պայմանավորվել ենք նաև Ադրբեջանից հավելյալ ծավալների մասին, որոնք կստանանք ըստ պահանջարկի»,- ասել է նախարարը։