ԿԲ. Ադրբեջանը 3 մլրդ դոլարի օտարերկրյա ուղղակի ներդրումներ է ներգրավել

Ադրբեջանի տնտեսությունում օտարերկրյա ուղղակի ներդրումների ծավալը 2024 թվականի առաջին կիսամյակում կազմել է 3 մլրդ ԱՄՆ դոլար։

Ինչպես հաղորդում է Caliber.Az-ը, այս մասին հայտարարել է Ադրբեջանի Կենտրոնական բանկի վիճակագրության բաժնի ղեկավար Սամիր Նասիրովը։

«Հաշվետու ժամանակաշրջանում Ադրբեջանի տնտեսությունում օտարերկրյա ուղղակի ներդրումների ծավալը կազմել է 3 մլրդ դոլար, իսկ օտարերկրյա երկրների տնտեսության մեջ Ադրբեջանի ներդրումների ծավալը կազմել է 998,2 մլն դոլար»,- հինգշաբթի օրը կայացած ճեպազրույցում ասել է Նասիրովը:

Ինչպես նշել է Նասիրովը, օտարերկրյա ներդրումների կառուցվածքում առաջին հնգյակը ձևավորում են հետևյալ երկրները. Մեծ Բրիտանիա՝ 913,3 մլն ԱՄՆ դոլար, Թուրքիա՝ 622,5 մլն ԱՄՆ դոլար, Կիպրոս՝ 372,8 մլն ԱՄՆ դոլար, ԱՄԷ՝ 236,5 մլն ԱՄՆ դոլար, Իրան՝ 184 մլն ԱՄՆ դոլար։ Ընդ որում, Ադրբեջանն իր հերթին ամենաշատ ներդրումներն է կատարել ԱՄԷ-ի (397 մլն ԱՄՆ դոլար), Թուրքիայի (108,2 մլն ԱՄՆ դոլար), Ուզբեկստանի (67,4 մլն ԱՄՆ դոլար), Վրաստանի (65 մլն ԱՄՆ դոլար), Մեծ Բրիտանիայի (51 մլն ԱՄՆ դոլար) տնտեսություններում: