Ջաբբարով. Բաքուն և Բաղդադը մեծ առևտրային ներուժ ունեն

Բաքուն և Բաղդադը մեծ ներուժ ունեն ապրանքաշրջանառության ընդլայնման համար, հայտարարել է Ադրբեջանի  տնտեսության նախարար Միքայիլ Ջաբբարովը։ «2024 թվականի հունվար-հուլիսին երկու երկրների միջև ապրանքաշրջանառության 49 տոկոսով աճ է գրանցվել։

Մեր երկրները մեծ ներուժ ունեն ապրանքաշրջանառությունը զարգացնելու համար»,- երեքշաբթի ադրբեջանա-իրաքյան գործարար համաժողովում ասել է Ջաբբարովը։

Նա նշել է նաև, որ այսօր շուրջ 170 իրաքյան ընկերություններ գործում են Ադրբեջանի տարբեր հատվածներում, հաղորդում է Caliber.Az-ը։  

«Իրաքում ադրբեջանական ընկերությունների գործունեության համար լայն ներուժ կա։ Ադրբեջանական ընկերությունները որպես կապալառուներ մասնակցել են Իրաքում խոշոր ենթակառուցվածքային նախագծերին, իսկ երկրում շինարարության, էներգիայի և ջրամատակարարման, ճանապարհների և կամուրջների պահանջարկը նոր հնարավորություններ է բացում մեր տեղական ընկերությունների համար»,- ընդգծել է նախարարը։