Ադրբեջանը և Բրազիլիան քննարկել են համագործակցությունը COP29-ի շրջանակներում

Ադրբեջանը և Բրազիլիան քննարկել են COP29-ի շրջանակներում «կանաչ» ֆինանսավորման շուրջ համագործակցությունը։

Ինչպես հայտնում է Caliber.Az-ը՝ հղում անելով էկոնոմիկայի նախարարությանը, էկոնոմիկայի նախարարի առաջին տեղակալ, Ադրբեջանի Հանրապետության և Բրազիլիայի Դաշնային կառավարությունների միջև առևտրային և ներդրումային համագործակցության հարցերով համատեղ աշխատանքային խմբի համանախագահ Էլնուր Ալիևը հանդիպել է Բրազիլիայի գյուղատնտեսության և անասնաբուծության նախարարության առևտրի և միջազգային կապերի քարտուղար Ռոբերտո Պերոզայի հետ։

Հանդիպման ընթացքում ընդգծվել է, որ առկա են երկու երկրների միջև առևտուրն ընդլայնելու և տնտեսության տարբեր ոլորտներում կապերը զարգացնելու հնարավորություններ։ Նշվել է, որ Ադրբեջանում ձեռնարկատերերի համար ստեղծվել է բարենպաստ ներդրումային մթնոլորտ, արդյունաբերական գոտիներում ներդրողներին տրամադրվում են արտոնություններ: