Ադրբեջանն ավելացրել է նավթամթերքի արտադրությունը, սակայն կրճատել է արտահանումը

Ադրբեջանում 2024 թվականի հունվար-հուլիս ընկած ժամանակահատվածում՝ նավթամթերքի արտադրության ծավալն արժեքային արտահայտությամբ կազմել է 2 մլրդ 908 մլն մանաթ, ինչը 1,3%-ով ավելի է նախորդ տարվա համապատասխան ժամանակահատվածի համեմատ։

Ինչպես տեղեկացնում է Caliber.Az-ը, այս մասին հայտնում է Պետական վիճակագրական կոմիտեն։

Տվյալների համաձայն՝ այս տարվա 7 ամիսների ընթացքում արտադրված ավտոմոբիլային բենզինի ծավալը կազմել է 842,7 հազար տոննա, ինչը 0,5 տոկոսով ավելի է 2023 թվականի հունվար-հուլիս ամիսների նկատմամբ, կերոսինը՝ 366 հազար տոննա (9,5 տոկոս աճ), մազութը՝ 13,1 հազ. տոննա (աճը՝ 3,3 անգամ), քսայուղեր՝ 37,9 հազար տոննա (աճը՝ 7,1%), նավթային բիտումը՝ 148,1 հազար տոննա (աճը՝ 7,6%)։

Բացի այդ, հաշվետու ժամանակահատվածում գազոյլի (դիզելային վառելիքի) արտադրության ծավալը նվազել է 1,3%-ով՝ մինչև 1 մլն 333,5 հազար տոննա, հեղուկ գազերինը՝ 18,8%-ով, մինչև 114,5 հազ. տոննա, նավթային կոքսինը՝ 15,3%-ով, մինչև 120,5 հազ. տոննա: