Թուրքիայի և Ադրբեջանի պաշտպանության նախարարները կհետևեն արդիականացված Սու-25-ի ռմբանետման ընթացքին

Այսօր Թուրքիայի պաշտպանական արդյունաբերության կողմից արդիականացված ադրբեջանական Սու-25 գրոհային ինքնաթիռը ռմբանետում կիրականացնի։

Այս մասին նշված է SavunmaSanayiST.com-ի թվիթերյան էջում, հայտնում է Caliber.Az-ը։

Atış var... Azerbaycan Su-25 modernizasyonunda kritik gün bugünhttps://t.co/UHwacneFYG

— SavunmaSanayiST.com (@SavunmaSanayiST) May 11, 2023

Ադրբեջանական «Սու-25» օդային աջակցության ինքնաթիռը, որն ակտիվ մասնակցություն է ունեցել ղարաբաղյան 2-րդ պատերազմին, արդիականացվել է Թուրքիայի պաշտպանական արդյունաբերության կողմից։ «Սու-25»-ին ինտեգրվել են թուրքական արտադրության գերճշգրիտ ռումբեր, արդիականացվել են նաև ավիոնիկան։

Վերջերս «Սու-25»-ն առաջին անգամ ռումբ է նետել KKN-83-ից: Այսօր բարձրաստիճան պատվիրակությունը, ներառյալ՝ Ադրբեջանի պաշտպանության նախարար Զաքիր Հասանովը և Թուրքիայի ազգային պաշտպանության նախարար Հուլուսի Աքարը, կհետևեն ռմբանետման ընթացքին։