Իցհակ Հերցոգ. Ադրբեջանի և Իսրայելի հարաբերությունները օրինակելի են ԼՈՒՍԱՆԿԱՐ

Ադրբեջանի և Իսրայելի միջև հարաբերությունները օրինակելի են:

Сaliber.Az-ը հայտնում է, որ այս մասին Բաքվում Իսրայելի անկախության 75-ամյակի տոնակատարության ժամանակ ասել է Իսրայելի նախագահ Իցհակ Հերցոգը։

Նա ասել է, որ մայիսի 28-ին Ադրբեջանը նշում էր անկախության 105-ամյակը, իսկ այսօր Իսրայելը նշում է իր անկախության 75-ամյակը։

«Կարծում եմ, որ դա պատահականություն չէ, մեր երկրները շատ մոտ են։ Մեր երկրների միջև հիանալի հարաբերությունները հիմնված են ոչ միայն ընդհանուր շահերի, այլ, առաջին հերթին, ընդհանուր արժեքների վրա»,- հայտարարել է նա: