Ստորագրվել է՝ ֆրանսիական նեոգաղութատիրության դեմ պայքարող երկրների Բաքվի հռչակագիրը

Ֆրանսիայից նեոգաղութների անկախացման համար շարժումների առաջնորդների մասնակցությամբ Ադրբեջանի մայրաքաղաքում տեղի ունեցող առաջին համագումարում ստորագրվել է՝ Ազատության միջազգային ճակատ ստեղծելու մասին Բաքվի հռչակագիրը։

Ինչպես հայտնում է Сaliber.Az-ը, այն ստորագրել են՝ Ֆրանսիայի գաղութատիրական քաղաքականությունից տուժած աշխարհի 14 երկրների ներկայացուցիչներ։

Հարկ է նշել, որ հռչակագրի տեքստի պատրաստմանը մասնակցել են ֆրանսիական գաղութատիրությունից տուժած՝ Կորսիկայի, Մելանեզիայի, Պոլինեզիայի անկախության, Կարիբյան և Անտիլյան կղզիների խմբի անկախության համար 15 քաղաքական կուսակցությունների և շարժումների առաջնորդներ և ակտիվիստներ։

Գվադելուպայի ազատագրման ժողովրդական հանրահավաքի կազմակերպմամբ և Բաքվի նախաձեռնող խմբի աջակցությամբ նրանք քննարկել են՝ անկախության համար պայքարում էլ ավելի սերտ միասնության ուղիները, ֆրանսիական գաղութատիրությանը հաղթելու համար արդյունքի վրա հիմնված գործողությունների համակարգումը` միասնական հարթակ ստեղծելու միջոցով:

Մասնակիցները վստահություն են հայտնել, որ Բաքվի հռչակագիրը կօգնի իրենց՝ ավելի արդյունավետ պայքարել ֆրանսիական նեոգաղութատիրության դեմ, հանուն արդարության և Փարիզից անկախանալու։