Փաշինյանը՝ Ալիևի նկատմամբ վստահության մասին

ՀՀ վարչապետ Նիկոլ Փաշինյանը «France 24»-ին տված հարցազրույցում պատասխանել է հարցին՝ արդյո՞ք ինքը վստահում է Ալիևին, հայտնում է Caliber.Az-ը:

«Ես կարծում եմ, որ մեր հարաբերությունների պատմությունը հենց ինքը խորը անվստահության հիմք է, և իմաստ էլ չունի Ադրբեջանի ղեկավարին կամ ինձ փոխադարձաբար հարցնել` վստահո՞ւմ ենք արդյոք մենք իրար, թե՝ ոչ, ակնհայտորեն` ոչ», - ասել է Փաշինյանը։

«Բայց խնդիրը դրա մասին չէ, խնդիրը հետևյալի մասին է` պատրաստվո՞ւմ ենք արդյոք մենք փոքր քայլերով վստահություն կառուցել։ Հենց վստահություն կառուցելու պրոցեսում է, որ մենք դժվարություններ ունենք», - ասել է ՀՀ վարչապետը։

«Երբ Ալիևն ասում է, որ պատրաստ է խաղաղության, իրականում պատրաստվում է պատերազմի՞» հարցին Փաշինյանը դրական պատասխան է տվել: