Ադրբեջանցի զինծառայողները մասնակցում են տանկային բիաթլոնին

Մոսկվայում անցկացվում է տանկային բիաթլոնի ութերորդ մրցույթը, որը մեկնարկել է Միջազգային բանակային խաղերի շրջանակում։

Caliber.Az-ը հայտնում է, որ մրցույթին մասնակցում է 22 երկիր։

Առաջին դիվիզիոնի անձնակազմերի անհատական մրցավազքում Ադրբեջանը մասնակցել է Մոնղոլիայի տանկիստների հետ մրցմանը։

Առաջին դիվիզիոնում ընդգրկված են՝ Ադրբեջանի, Բելառուսի, Վենեսուելայի, Վիետնամի, Ղազախստանի, Ղրղզստանի, Չինաստանի, Մոնղոլիայի, Ռուսաստանի և Ուզբեկստանի հավաքականները:

Բոլոր մասնակիցների մրցավազքերի արդյունքներով կորոշվեն առաջին դիվիզիոնի կիսաեզրափակիչի 8 թիմերը։

Միջազգային ռազմական խաղերի շրջանակներում ադրբեջանցի զինծառայողները որպես պատվավոր հյուրեր մասնակցում են նաև մրցույթի մասնակիցների բանակային մշակույթի ցուցահանդեսին։