ՌԴ-ն առանձնահատուկ կարևորություն է տալիս Հայաստանի ԶՈՒ ներուժը մեծացնելուն ուղղված աջակցությանը. Շոյգու

Տարածաշրջան  09 Դեկտեմբերի 2022 - 16:18

Ռուսաստանն առանձնահատուկ կարևորություն է տալիս Հայաստանի Զինված ուժերի ներուժը մեծացնելուն ուղղված աջակցությանը:

Ինչպես տեղեկացնում է Caliber.Az-ը՝ վկայակոչելով հայկական մամուլին, այս մասին հայտարարել է ՌԴ ՊՆ ղեկավար Սերգեյ Շոյգուն՝ իր հայ գործընկեր Սուրեն Պապիկյանի հետ հանդիպմանը:

Հանդիպումը կայացել է Շանհայի համագործակցության կազմակերպության և ԱՊՀ երկրների պաշտպանական գերատեսչությունների ղեկավարների նիստի շրջանակում։

«Հայաստանը մեր դաշնակիցն է ՀԱՊԿ-ում և առանցքային ռազմավարական գործընկերը Անդրկովկասում: Մենք չափազանց շահագրգռված ենք տարածաշրջանում կայունության պահպանման հարցում և դրա համար գործադրում ենք բոլոր ջանքերը: Մենք առանձնահատուկ կարևորություն ենք տալիս երկկողմ համագործակցության զարգացմանը և Հայաստանի Զինված ուժերի ներուժը մեծացնելուն ուղղված աջակցությանը»,- հայտարարել է Շոյգուն:

Հանդիպման ընթացքում պաշտպանության գերատեսչությունների ղեկավարները քննարկել են միջազգային և տարածաշրջանային անվտանգությունը, ինչպես նաև պաշտպանության և անվտանգության ոլորտում համագործակցության հետագա ամրապնդումը, ստորագրել են իրենց գլխավորած գերատեսչությունների միջև 2023 թվականի համագործակցության պլանը:

«Մենք բարձր ենք գնահատում գագաթնաժողովը կազմակերպելու ձեր նախաձեռնությունն ու ջանքերը»,- իր հերթին ասել է Պապիկյանը:

Caliber.Az

Դիտումներ: 18