Նախարար. Օկուպացիայից ազատագրված տարածքներում զգալի ներդրումներ են կատարվել տրանսպորտի ոլորտում

«2022 թվականին զգալի ներդրումներ են կատարվել օկուպացիայից ազատագրված տարածքներում, ինչպես ճանապարհային ենթակառուցվածքների, այնպես էլ երկաթուղային ենթակառուցվածքների ընդլայնման, դիվերսիֆիկացման ուղղությամբ»։

Այս մասին, ինչպես տեղեկացնում է Caliber.Az-ը, հայտարարել է՝ թվային զարգացման և տրանսպորտի նախարար Ռաշադ Նաբիևը։

Նախարարի խոսքով, արդեն ընդգծվել է, որ Զանգեզուրի միջանցքը առաջնահերթություն է Ադրբեջանի և ողջ տարածաշրջանի զարգացման համար. «Այստեղ ուզում եմ հատուկ նշել Հորադիզ-Աղբենդ երկաթգիծը։ Երկաթուղու հետ կապված աշխատանքների մեծ մասն ավարտվել է 2022 թվականին։ Մենք նախատեսում ենք այս նախագիծը, առնվազն դրա ադրբեջանական հատվածը, ամբողջությամբ ավարտել 2023-2024 թվականներին»։