Կոեն. Ադրբեջանի և ԱՄԷ-ի հետ էներգետիկ համագործակցությունը նոր դարաշրջան է բացում Մերձավոր Արևելքում

Աբրահամի համաձայնագրերի ընդլայնումը «ձեռք ձեռքի» կընթանա Մերձավոր Արևելքում էներգետիկ համագործակցության զարգացման հետ, հայտարարել է Իսրայելի էներգետիկայի և ենթակառուցվածքների նախարար Էլի Կոենը՝ միջազգային քաղաքականությանը նվիրված JNS առաջին գագաթնաժողովի երկրորդ օրը։
 
Այս մասին հայտնում է Caliber.Az-ը՝ հղում անելով իսրայելական Jewish News Syndicate (JNS) թերթին։
 
«Աբրահամի համաձայնագրերի ընդլայնումը, որը ես հավատում և հույս ունեմ, որ տեղի կունենա մոտ ապագայում, զուգընթաց կընթանա Մերձավոր Արևելքում էներգետիկ համագործակցության զարգացման հետ, ինչը նոր դարաշրջան կբացի մեր տարածաշրջանում», - ասել է Կոենը։
 
Նախարարը նաև նշել է. «Արաբական Միացյալ Էմիրությունները որոշել է ներդրումներ կատարել մեր գազի հանքավայրերում: Ես հանդիպել եմ Ադրբեջանի  տնտեսության նախարարի և SOCAR-ի ղեկավարության հետ, երբ նրանք մի քանի շաբաթ առաջ այցելել էին Իսրայել, և նրանք նույնպես որոշել են ներդրումներ կատարել մեր էներգետիկ ոլորտում»: