Առևտրային ներկայացուցիչ. Ադրբեջանը պատրաստ է դառնալ չինական բիզնեսի համար տարածաշրջանային հարթակ

Ադրբեջանը նպատակադրված  է հանդես գալ ոչ միայն որպես լոգիստիկ հանգույց, այլև որպես լիարժեք առևտրաարդյունաբերական կենտրոն՝ Չինաստանի և այլ երկրների ընկերությունների համար։
 
Ինչպես հաղորդում է Report-ը, այս մասին չինական Global Times հրատարակությանը տված հարցազրույցում հայտարարել է՝ Չինաստանում Ադրբեջանի առևտրային ներկայացուցիչ Թեյմուր Նադիրօղլուն։
 
Մեկնաբանելով Ադրբեջանի նախագահ Իլհամ Ալիևի Չինաստան կատարած պետական ​​այցի ընթացքում ստորագրված համաձայնագրերը՝ Նադիրօղլուն նշել է, որ այցը կարևոր  նշանակություն ունեցավ երկկողմ համագործակցության խորացման համար, հատկապես երկու երկրների միջև համապարփակ ռազմավարական գործընկերության հաստատման համատեքստում, որը, ըստ նրա, «ճանապարհ կհարթի ավելի խորը և համապարփակ տնտեսական համագործակցության համար»։
 
Նադիրօղլուի խոսքով՝ Բաքվի և Պեկինի միջև համագործակցության խորացման հիմնական ոլորտներից են՝ առևտուրը, ներդրումները, վերականգնվող էներգիան և արտադրության տեղայնացումը։

«Վերջին տարիներին մենք նաև նկատել ենք չինական ընկերությունների ներկայացուցիչների և պաշտոնյաների կողմից Ադրբեջան այցելությունների թվի աճ, ինչը, անկասկած, շատ դրական ազդեցություն կունենա՝ մեր երկրների միջև ընդհանուր տնտեսական համագործակցության վրա», - ասել է նա