Մյատլիկով. Ադրբեջանը ընդգրկվել է՝ Բելառուսի արտահանման տասը խոշորագույն գործընկերների շարքում

2024 թվականին Ադրբեջանը զբաղեցրել է յոթերորդ տեղը՝ Բելառուսի խոշորագույն արտահանման գործընկերների շարքում։
 
Ինչպես հաղորդում է Caliber.Az-ը, այս մասին հայտարարել է՝ Բելառուսի Առևտրաարդյունաբերական պալատի ղեկավար Միխայիլ Մյատլիկովը։
 
«Մեր տվյալներով, 2024 թվականի վերջին երկկողմ ապրանքաշրջանառությունն աճել է 46%-ով. Բելառուսից արտահանումն աճել է 44%-ով, իսկ մեր երկիր ներմուծումը՝ 73%-ով։ Ապրանքաշրջանառության ընդհանուր ծավալում Ադրբեջանի մասնաբաժինը նույնպես աճել է մոտ մեկ քառորդով։ Վերջին մեկ տարվա ընթացքում Ադրբեջանը առևտրի ծավալով 13-րդ տեղից բարձրացել է 11-րդ տեղը և դարձել է Բելառուսի յոթերորդ կարևորագույն արտահանման գործընկերը», - երկուշաբթի Ադրբեջանա-Բելառուսական գործարար համաժողովում ասել է Մյատլիկովը։
 
յատլիկովը նշել է, որ բելառուսական մսի և կաթնամթերքի, նավթամթերքի և փայտանյութի մատակարարումները զգալիորեն աճել են, ինչը, նրա խոսքով, հստակ ցույց է տալիս, որ երկու երկրների բիզնեսը շարունակում  է ակտիվորեն փնտրել և զարգացնել նոր խորշեր միմյանց շուկաներում։