Բաքու-Դաքքա. Բանգլադեշի ԱԳՆ ղեկավարը առաջարկում է ուղիղ չվերթներ բացել

Բանգլադեշը հանդես է եկել՝ Դաքքայի և Բաքվի միջև ուղիղ չվերթներ բացելու նախաձեռնությամբ, հաղորդում է Trend-ը։
 
Առաջարկը հնչել է՝ Բանգլադեշի արտաքին գործերի նախարար Ջաշիմ Ուդդինի և Ադրբեջանի արտաքին գործերի փոխնախարար Էլնուր Մամեդովի հանդիպման ժամանակ։
 
Բանակցությունները տեղի են ունեցել՝ Դաքքայում կայացած երկկողմ խորհրդակցությունների երկրորդ փուլի շրջանակներում։ Քննարկման թեմաներից մեկն է եղել՝  Բանգլադեշի քաղաքացիների Ադրբեջան մեկնելիս վիզա ստանալու հետ կապված դժվարությունները։ Ջ. Ուդդինը կոչ  է արել գտնել այս խնդրի կայուն լուծումը։
 
Կողմերը համաձայնության են եկել՝ ստորագրել մի շարք փոխըմբռնման հուշագրեր հիմնական ոլորտներում, այդ թվում՝ առևտրի, ներդրումների, էներգետիկայի, ավիահաղորդակցության, կադրերի պատրաստման, ինչպես նաև դիվանագետների և պետական ​​ծառայողների համար վիզաների ազատականացման  վերաբերյալ։