Ադրբեջանն ու Նեպալը քննարկել են՝ ՎԷ և «կանաչ» էներգիայի ոլորտում համագործակցությունը

Կատմանդուում Ադրբեջանի և Նեպալի արտաքին գործերի նախարարությունների միջև անցկացվել են առաջին քաղաքական խորհրդակցությունները՝ նոր գլուխ բացելով դիվանագիտական ​​հարաբերություններում։
 
Ինչպես հաղորդում է Report-ը, այս մասին գրում են նեպալական ԶԼՄ-ները։
 
Խորհրդակցությունները կազմակերպվել են՝ Ադրբեջանի արտաքին գործերի փոխնախարար Էլնուր Մամեդովի՝ գլխավորած կառավարական պատվիրակության Նեպալ այցի շրջանակներում:
 
Քաղաքական խորհրդակցություններին մասնակցող Նեպալի պատվիրակությունը գլխավորել է արտաքին գործերի նախարար Ամրիտ Բահադուր Ռայը։ Կողմերը հայտնել են իրենց հանձնառությունը՝ առաջիկա տարիներին խորացնելու Նեպալի և Ադրբեջանի միջև գործընկերությունը։
 
Քննարկման հիմնական թեմաներն էին՝ երկկողմ առևտրի և ներդրումների ընդլայնումը, զբոսաշրջությունը և մշակութային փոխանակումը, կրթության ոլորտում համագործակցությունը և կլիմայի փոփոխության դեմ պայքարի համատեղ նախաձեռնությունները։
 
Գերատեսչությունների ներկայացուցիչները ընդգծել են՝ տարածաշրջանային և միջազգային հարթակներում համագործակցության անհրաժեշտությունը և «կանա»չ էներգիայի ոլորտում գործընկերության ներուժը։
 
Կողմերը համաձայնել են փոխանակվել «կանաչ» էներգիայի զարգացման լավագույն փորձով և քննարկել վերականգնվող էներգիայի, մասնավորապես՝ արևային և քամու էներգիայի ոլորտում համատեղ նախագծերի համար ներուժը։