Ադրբեջան զբոսաշրջային հոսք. առաջին եռամսյակի տվյալները

2025 թվականի հունվարից մարտ ընկած ժամանակահատվածում՝ Ադրբեջան մեկնած զբոսաշրջիկների թիվը կազմել է 508,1 հազար մարդ, ինչը 1,1%-ով պակաս է՝ նախորդ տարվա նույն ժամանակահատվածի համեմատ։
 
Ինչպես տեղեկացնում է Caliber.Az-ը, այս մասին հայտնոել են Պետական ​​վիճակագրական կոմիտեից։
 
Միևնույն ժամանակ, 2019 թվականի հունվար-մարտի նախահամաճարակային ցուցանիշների համեմատ՝ զբոսաշրջային հոսքի ծավալը 16,8%-ով պակաս է։
 
Ադրբեջան այցելած զբոսաշրջիկների մեծամասնությունը եղել են Ռուսաստանի Դաշնության քաղաքացիներ՝ 24,7%, զբոսաշրջիկների 18,3%-ը՝ Թուրքիայից, 10,8%-ը՝ Հնդկաստանից, 9,8%-ը՝ Իրանից, 5%-ը՝ Վրաստանից, 3,6%-ը՝ Ղազախստանից, 2,7%-ը՝ Պակիստանից, 2,1%-ը՝ ԱՄԷ-ից և Սաուդյան Արաբիայից, 1,8 տոկոսը՝ Ուզբեկստանից, 1,7 տոկոսը՝ Չինաստանից, 1,5-ական տոկոս՝ Թուրքմենստանից, Ուկրաինայից և Իսրայելից, 1,2 տոկոսը՝ Քուվեյթից, 1 տոկոսը՝ Բելառուսից, 10,7 տոկոսը՝ այլ երկրներից։ Ընդհանուր առմամբ, հաշվետու ժամանակահատվածում Ադրբեջան են այցելել 167 երկրների քաղաքացիներ։ Ժամանողների 71,6%-ը տղամարդիկ էին, 28,4%-ը՝ կանայք։
 
«Նախորդ տարվա նույն ժամանակահատվածի համեմատ Իսրայելից ժամանածների թիվն աճել է 4 անգամ, Տաջիկստանից՝ 2 անգամ, Չինաստանից՝ 1,8 անգամ, Հորդանանից՝ 1,6 անգամ, Իսպանիայից՝ 1,6 անգամ, Հնդկաստանից՝ 47,6%-ով, Ղրղզստանից՝ 32,6%-ով, Ճապոնիայից՝ 26,5%-ով, Եգիպտոսից՝ 25%-ով, ԱՄՆ-ից՝ 17,3%-ով, Կանադայից՝ 15,2%-ով, Նիդեռլանդներից՝ 12,2%-ով, Պակիստանից՝ 11,5%-ով», ասվում է Պետական ​​վիճակագրական  տեղեկատվությանմեջ։