Ադրբեջանը և Չինաստանը մի շարք փաստաթղթեր են ստորագրել էներգետիկ ոլորտում

Ադրբեջանի նախագահ Իլհամ Ալիևի՝ Չինաստանի Ժողովրդական Հանրապետություն կատարած պետական այցի ընթացքում մի շարք փաստաթղթեր են ստորագրվել Ադրբեջանի էներգետիկայի նախարարության և չինական ընկերությունների միջև։

Ինչպես հայտնում է Report-ը, ստորագրված փաստաթղթերից են «Ադրբեջանի Հանրապետության կառավարության և Universal Solar Azerbaijan ընկերության միջև ներդրումային համաձայնագիրը 100 ՄՎտ հզորությամբ Գոբուստանի արևային էլեկտրակայանի նախագծի վերաբերյալ», «Ադրբեջանի Հանրապետության էներգետիկայի նախարարության և China Energy Overseas Investment Co. Ltd.  ընկերության միջև ստորագրված Ադրբեջանում ծովային հողմային էներգիայի գնահատման, զարգացման և իրացման համաձայնագիրը» և այլն։