Ադրբեջանում կբարձրացվեն նպաստները և կենսաթոշակները

Այս տարի Ադրբեջանում սոցիալական բարեփոխումների նոր փաթեթի շրջանակներում սպասվում է՝ նպաստների և կենսաթոշակների   հերթական բարձրացում։
 
Ինչպես հաղորդում է Report-ը, այս մասին հայտնել են Աշխատանքի և բնակչության սոցիալական պաշտպանության նախարարության կոլեգիայի նիստում։
 
Նշվում է, որ տարեսկզբից իրականացվող սոցիալական բարեփոխումների նոր փաթեթի շրջանակներում՝ նվազագույն աշխատավարձը բարձրացվել է 16%-ով՝ հասնելով 400 մանաթի։ Բարձրացվել են նաև տարբեր ոլորտներում աշխատավարձերը, ինդեքսավորվել են կենսաթոշակները, իսկ փետրվարի 1-ից նվազագույն կենսաթոշակը բարձրացել է 14,3%-ով՝ հասնելով 320 մանաթի։
 
Աշխատանքի և բնակչության սոցիալական պաշտպանության նախարար Անար Ալիևը ընդգծել է, որ սոցիալական վճարումների ավելացմանը զուգընթաց՝ ընդլայնվում են զբաղվածության ապահովման ծրագրերը, և շարունակվում է պետական ​​սոցիալական ծառայությունների համակարգում նորարարական լուծումների ակտիվ ներդրումը:
 
Այս ժամանակահատվածում կենսաթոշակային վճարումների համար հատկացվել է 1,768 միլիարդ մանաթ, ինչը 156 միլիոն մանաթով կամ 10%-ով ավելի է, քան մեկ տարի առաջ։ 475 հազար մարդու վճարվել է 275 միլիոն մանաթի չափով նպաստ, 402 հազար մարդ ստացել է 173 միլիոն մանաթի չափով նախագահական կրթաթոշակներ։