ԱԳՆ. ԻՀԿ երկրների արտգործնախարարների խորհուրդն ընդունել է Ադրբեջանի կողմից ներկայացված հինգ բանաձևը

2023 թվականի մարտի 16-17-ը Մավրիտանիայի Իսլամական Հանրապետության մայրաքաղաք Նուակշոտում տեղի է ունեցել՝ Իսլամական համագործակցության կազմակերպության (ԻՀԿ) երկրների արտաքին գործերի նախարարների խորհրդի 49-րդ նիստը, որի արդյունքներով ընդունվել է Ադրբեջանի կողմից ներկայացված հինգ բանաձևը:

Այս մասին Сaliber.Az-ին հայտնել են Ադրբեջանի ԱԳՆ մամուլի ծառայությունից։

Նստաշրջանում Ադրբեջանի Հանրապետությունը ներկայացրել է՝ արտաքին գործերի փոխնախարար Ֆարիզ Ռզաևի գլխավորած պատվիրակությունը։

Ելույթ ունենալով նիստում փոխնախարար Ֆ.Ռզաևը ցավակցություն է հայտնել՝ Թուրքիայում և Սիրիայում բազմաթիվ մարդկային զոհերի պատճառ դարձած ավերիչ երկրաշարժերի կապակցությամբ։ Նշելով Պակիստանում և Չադում տեղի ունեցած ջրհեղեղները՝ փոխնախարարն ասել է, որ Ադրբեջանը պատրաստ է աջակցել ԻՀԿ-ի ջանքերին՝ այդ ճգնաժամային իրավիճակները վերացնելու ուղղությամբ։

Հանդիպման արդյունքում ընդունվել է՝ Ադրբեջանի նախաձեռնությամբ առաջ քաշված հինգ բանաձևը:

«Ադրբեջանի Հանրապետության դեմ Հայաստանի Հանրապետության ագրեսիայի հետևանքների վերացում», «Ադրբեջանի Հանրապետության ազատագրված տարածքներում տնտեսական և սոցիալական զարգացման գործունեությանը աջակցություն» և «Ադրբեջանի Հանրապետության դեմ Հայաստանի Հանրապետության ագրեսիայի հետևանքով Ադրբեջանի Հանրապետության տարածքում պատմամշակութային հուշարձանների, իսլամական կրոնի հետքերի ոչնչացումն ու պղծումը» փաստաթղթերում խստորեն դատապարտվում է՝ Հայաստանի կողմից Ադրբեջանի նկատմամբ շուրջ 30 տարի իրականացվող օկուպացիոն և ագրեսիայի քաղաքականությունը, աջակցություն է հայտնվում Ադրբեջանի կառավարությանն ու ժողովրդին՝ օկուպացիայի ծանր հետևանքների վերացման, ինչպես նաև վերականգնման և ստեղծագործական աշխատանքների համատեքստում։

«Համերաշխություն 1992 թվականի Խոջալուի ջարդերի զոհերի հետ» բանաձևը դատապարտում է 1992 թվականի փետրվարի 26-ին Խոջալիում ադրբեջանական խաղաղ բնակչության դեմ իրականացված ջարդը, փաստաթուղթը կոչ է անում միջազգային հանրությանը՝ ճանաչել այդ կոտորածը որպես ցեղասպանություն, մարդկության դեմ հանցագործություն և պատերազմական հանցագործություն, աջակցում է «Արդարություն Խոջալուին» հասարակական արշավին։