Սահիբա Գաֆարովան՝ ֆրանսիացի խոսնակին. Ձեր կողմից ընդունված բանաձևերը հակասում են միջազգային իրավունքին

Հարավային Կովկասում տիրող իրավիճակի նկատմամբ միակողմանի և կողմնակալ վերաբերմունքն ամենևին էլ չի նպաստում մեր տարածաշրջանում կայուն խաղաղություն հաստատելու ջանքերին։

Ինչպես հաղորդում է Caliber.Az-ը, այս մասին Դուբլինում Ֆրանսիայի Ազգային ժողովի նախագահ Յաել Բրաուն-Պիվետի հետ հանդիպմանը հայտարարել է Միլլի Մեջլիսի (Խորհրդարանի) նախագահ Սահիբա Գաֆարովան՝ քննադատելով Ֆրանսիայի կողմից ցուցաբերվող կողմնակալ վերաբերմունքը Ադրբեջանի նկատմամբ։

Սահիբա Գաֆարովան հիշեցրել է Ֆրանսիայի խորհրդարանի երկու պալատների կողմից ընդունված բազմաթիվ հայտարարությունները և բանաձևերը, որոնք բացասաբար են անդրադարձել Ադրբեջանի և Հայաստանի միջև հարաբերությունների կարգավորման և ընդհանուր առմամբ խաղաղ գործընթացի վրա։ Նրա խոսքով, այդ փաստաթղթերը հակասում են միջազգային իրավական սկզբունքներին, միևնույն ժամանակ ցուցադրում են կասկածելի մոտեցում Ադրբեջանի ինքնիշխանության և տարածքային ամբողջականության նկատմամբ։ Փաստորեն, այս բոլոր քայլերը սատարեցին մեր տարածքում անջատողականությանը և դատարկ գայթակղությունների միջոցով քաջալերեցին Հայաստանում ռևանշիստական ուժերին։