Սերդար Քըլըչ. Տարածաշրջանում խաղաղության հասնելու համար անհրաժեշտ է մի կողմ դնել տարաձայնությունները

Հայաստանին և Ադրբեջանին խաղաղ բանակցությունների վերաբերյալ որոշում պարտադրելու փորձերն ապացուցվել են հակաարդյունավետ և անօգուտ, ինչպես դա եղել է երեսուն տարի:

Ինչպես հաղորդում է Caliber.Az-ը, այս մասին հայտարարել է Հայաստանի հետ հարաբերությունների կարգավորման գծով Թուրքիայի հատուկ ներկայացուցիչ Սերդար Քըլըչը՝ Անթալիայում III դիվանագիտական ֆորումի շրջանակներում՝ «Խաղաղություն, զարգացում և կապեր Հարավային Կովկասում» թեմայով պանելային քննարկումներում:

Հատուկ երկայացուցչի կարծիքով, պետք է մի կողմ թողնել որոշ տարաձայնություններ և կենտրոնանալ այն հարցերի վրա, որոնք կարող են մերձեցել մարդկանց։

«Կարծում եմ, որ 2020 և 2023 թվականների իրադարձություններից հետո այժմ հայտնվել է հնարավորությունների պատուհան, քանի որ տարածաշրջանում ռազմավարական փոփոխություններ են տեղի ունենում, և մենք պետք է օգտվենք դրանից»,- ընդգծել է նա։