Եվրամիությունն աջակցել է Բաքվի և Երևանի միջև սահմանային հատվածների համաձայնեցմանը

Եվրամիությունը ողջունում է՝ հայ-ադրբեջանական սահմանների սահմանազատման գործընթացի շրջանակներում ձեռք բերված առաջընթացը։

Ինչպես հաղորդում է Caliber.Az-ը, այս մասին ասված է ԵՄ մամուլի ծառայության հաղորդագրության մեջ։

«ԵՄ-ն ողջունում է հայ-ադրբեջանական սահմանների սահմանազատման գործընթացում ձեռք բերված առաջընթացը՝ հիմնված 1991թ. Ալմաթիի համաձայնագրի և, մասնավորապես, մայիսի 15-ին հայ-ադրբեջանական սահմանային հանձնաժողովների 9-րդ նիստի ժամանակ ստորագրված արձանագրության վրա, որը հանգեցրեց սահմանի մի շարք հատվածների վերաբերյալ համաձայնեցման։

ԵՄ-ն կողմերին կոչ է անում հետագա վճռական քայլեր ձեռնարկել՝ այլ երկկողմ չլուծված հարցերի լուծման համար և հավատարիմ է մնում՝ Հարավային Կովկասի տարածաշրջանում ամուր և կայուն խաղաղության հաստատմանը ուղղված ջանքերին աջակցելուն», - նշվում է փաստաթղթում