Մուխթար Բաբաև. Ադրբեջանն աշխատում է COP29-ը ամենաբարձր մակարդակով անցկացնելու համար

Բաքվում կայանալիք COP29-ում մենք կփորձենք ոչ միայն բարձրացնել կլիմայական խնդիրները, այլև ներկայացնել Ադրբեջանը, նրա մշակույթը, բնությունը։

Ինչպես հայտնում է Caliber.Az-ը, այս մասին լրագրողներին ասել է՝ բնապահպանության և բնական պաշարների նախարար, COP29-ի նախագահ Մուխթար Բաբաևը։

Նա նշել է, որ COP29-ի նախապատրաստական աշխատանքները շարունակվում են. «Ադրբեջանն աշխատում է այս միջոցառումն ամենաբարձր մակարդակով անցկացնելու համար»:

Կլիմայի փոփոխության մասին ՄԱԿ-ի շրջանակային կոնվենցիայի (COP 29) Կողմերի համաժողովի 29-րդ նստաշրջանը կանցկացվի՝ այս տարվա նոյեմբերին Ադրբեջանի մայրաքաղաք Բաքվում։ Այս որոշումն ընդունվել է ՝2023 թվականի դեկտեմբերի 11-ին Դուբայում կայացած COP28 լիագումար նիստում։ Միջոցառման շրջանակներում Բաքուն կհյուրընկալի շուրջ 70-80 հազար օտարերկրյա հյուրերի։