Կարասին. Ռուսաստանը և Ադրբեջանը երկու եղբայրական պետություններ են

Մենք ոչ միայն հարեւաններ ենք, այլ եղբայրներ ենք, մենք երկար դարեր միասին ունենք ռազմավարական համագործակցություն։
 
Ինչպես հայտնում է Report-ը, այս մասին հայտարարել է ՌԴ Դաշնային խորհրդի միջազգային հարցերով կոմիտեի ղեկավար Գրիգորի Կարասինը՝ Ադրբեջանի Անկախության օրվա առթիվ կազմակերպված  հանդիսավոր ընդունելության ժամանակ։
 
«Մենք սովորել ենք միասին նայել մեր նախագահների աչքերով աշխարհում առկա խնդիրներին, ճիշտ հասկանալ, թե դա ինչ է նշանակում մեր տարածաշրջանի համար։ Մենք շատ ենք գնահատում կայունությունը։ Բաքուն այժմ շատ կարևոր դեր  է խաղում դրանում։ Հենց այդպես են մտածում Մոսկվայում բոլորը, տա Աստված, որ այդպես էլ շարունակվի։ Ուստի շնորհավորում ենք մեր եղբայրական ու բարեկամ ժողովրդին՝ այս տոնի առթիվ և մաղթում ամենայն բարիք»։