Կանակ իրավապաշտպան. Ադրբեջանը աջակցել է մեր արդար պայքարին

Ֆրանսիայի կառավարությունն արգելափակում է մեր մասնակցությունը ժողովրդավարական ընտրություններին, քանի որ մենք կարող ենք անկախություն ձեռք բերել ընտրությունների միջոցով։

Այս մասին Сaliber.Az-ին հայտարարել է՝ շահագործվող և կանակ աշխատողների արհմիության արտաքին հարցերի համակարգող Ռոք Խաոկասը:

Իրավապաշտպաններից մեկի խոսքով՝ Ֆրանսիան խռովություններ է հրահրում Նոր Կալեդոնիայում։

«Ֆրանսիայի իշխանությունները ձերբակալել են քաղաքական ակտիվիստների։ Մենք չգիտենք, թե ինչպիսին կլինի նրանց հետագա ճակատագիրը։ Նոր Կալեդոնիայի, մասնավորապես՝ հիմնական էթնիկ խմբի՝ կանակների, անկախության հասնելու մտադրությունները ճնշման տակ են»,- ասել է Ռ. Խաոկասը:

Նա ընդգծել է, որ հունիսի 30-ին Ֆրանսիայում տեղի են ունենալու արտահերթ խորհրդարանական ընտրություններ, իսկ քաղաքական լարվածությունը երկրում հասել է ռեկորդային մակարդակի։

«Օդանավակայանները փակ են, քաղաքական ակտիվիստները ձերբակալվել են, երեխաները, կանայք և տարեցները բռնությունների են ենթարկվում և սպանվում ոստիկանության կողմից։ Մենք ամբողջ ուժով կպայքարենք Նոր Կալեդոնիայում ֆրանսիական ճնշումներին վերջ տալու համար։ Անցած ժամանակահատվածում Ադրբեջանի իշխանությունը մեզ աջակցել է մեր արդար պայքարում։ Իմ երկիրը ճգնաժամի մեջ է, և մենք կրկին օգնություն ենք խնդրում Ադրբեջանից։ Մենք հուսով ենք, որ Բաքվի նախաձեռնող խումբը մեր օրինական պայքարը կփոխանցի ՄԱԿ-ի անդամ երկրներին, և որ Ֆրանսիայի այս գործողությունները կդադարեցվեն միջազգային իրավունքի գերակայությամբ»,- նշել է Ռոկ Խաոկասը։