Նոր Կալեդոնիայի ԱԳՆ ղեկավար. Ֆրանսիայի կողմից ստրկացված ժողովուրդները միավորվում են Բաքվում Կարիբյան ավազանից մինչև Խաղաղ օվկիանոս

«Մենք պետք է ուղիներ գտնենք բարդ խնդրի լուծման համար, որպեսզի աշխարհի բոլոր ժողովուրդները՝ փոքր ու մեծ, մոլորակի բոլոր երեխաները, կարողանան գնալ իրենց ճանապարհով»:

Ինչպես հայտնում է Caliber.Az-ը, այս մասին հայտարարել է Նոր Կալեդոնիայի արտաքին գործերի նախարար Մայքլ Ֆորեսթը` ելույթ ունենալով Բաքվում ընթացող առաջին համագումարում, որին մասնակցում են Ֆրանսիայի գաղութների անկախացման շարժումների առաջնորդները։

Նա ընդգծել է, որ Ֆրանսիայում տիրում է ահաբեկչություն, ներքաղաքական ճգնաժամ, միգրացիայի խնդիր, աղքատություն։

«Ֆրանսիայի ժողովուրդը մեր թշնամին չէ, բայց մենք պետք է ամրապնդենք մեր հարթակը, գտնենք կարևոր հարցերի պատասխանները, համախմբենք Ֆրանսիայի կողմից ստրկացված Կարիբյան տարածաշրջանի և Խաղաղ օվկիանոսի ժողովուրդներին»,- ընդգծել է Ֆորեսթը։