Ադրբեջանի ազատագրված տարածքների վերաբերյալ «Google»-ի քարտեզները կթարմացվեն

Սոցիում  10 Օգոստոսի 2022 - 17:38

Ադրբեջանի տնտեսության նախարարությանը առընթեր, տնտեսական գոտիների զարգացման գործակալությանը կից, Սումգայիթի քիմիական արդյունաբերական պարկի ռեզիդենտ 4MAPS Bilgi Teknolojileri ԲԲԸ-ն սկսել է՝ օկուպացիայից ազատագրված տարածքներին վերաբերող՝ Google Maps-ի տվյալների և այլ քարտեզների թարմացման, ինչպես նաև 3D քարտեզների պատրաստման աշխատանքները:

Ինչպես Caliber.Az-ին հայտնել են գործակալությունում, քարտեզների թարմացման և 3D քարտեզներ պատրաստելու ժամանակ օգտագործվում է «LIDAR» սարքավորումը։

Ակնկալվում է, որ մոտ ժամանակներում առցանց-քարտեզներում կցուցադրվեն Ղարաբաղում գտնվող քաղաքների, գյուղերի, փողոցների և այլ օբյեկտների անունները։

«4MAPS Bilgi Teknolojileri» ՍՊԸ-ն հանդիսանում է Սումգայիթի Քիմիական Արդյունաբերական Պարկի ռեզինդետը։ 1,5 հա տարածք ունեցող արդյունաբերական պարկի տարածքում ԲԲԸ-ն կզբաղվի «Գիտահետազոտական, քարտեզագրական և նավիգացիոն ծառայությունների կազմակերպում» ծրագրի իրականացմամբ։ «4MAPS Bilgi Teknolojileri»-ն հանդիսանում է ԱՊՀ-ում, Մերձավոր Արևելքում և Ադրբեջանում «Apple Maps» և «Here Technologies» հավելվածների ներկայացուցիչ, և Ադրբեջանի հարցերով «Yandex Maps-ի ներկայացուցիչ։

Չնայած նրան, որ ընկերության գործունեության հիմնական ոլորտը հանդիսանում են աշխարհագրական տվյալների հավաքագրման, ձևավորման, 3D և 4D քարտեզների պատրաստման ծառայությունները, կառուցվող կենտրոնում նախատեսվում է նաև ծառայություններ մատուցել ծրագրային արտադրանքի, խաղերի և «metaverse» հավելվածների մշակման համար։ Ադրբեջանում նախագծի իրականացման հետ միասին Արևելյան Եվրոպայի, Վրաստանի, ԱՊՀ և Կենտրոնական Ասիայի երկրների համար կգործի Քարտեզների ձևավորման կենտրոն (գործընթացային կենտրոն)։

Caliber.Az

Դիտումներ: 104