Ադրբեջանի ԱԳՆ-ն ցավակցություն է հայտնել Թուրքիային՝ ռազմատրանսպորտային օդանավի կործանման կապակցությամբ

Ադրբեջանի արտաքին գործերի նախարարությունը ցավակցություն է հայտնել Թուրքիայի Ռազմաօդային ուժերի օդանավի կործանման կապակցությամբ։

Caliber.Az-ի փոխանցմամբ՝ նախարարության Х սոցիալական ցանցի էջում զետեղված գրառման մեջ ասվում է.

«Վրաստանում Ադրբեջանից մեկնող եղբայրական Թուրքիային պատկանող C-130 ռազմատրանսպորտային օդանավի կործանման լուրը խորապես ցնցեց մեզ։ Այս ծանր կորստի կապակցությամբ մենք մեր անկեղծ ցավակցությունն ենք հայտնում Թուրքիայի Զինված ուժերին, զոհվածների ընտանիքներին և ողջ եղբայրական թուրք ժողովրդին։ Ադրբեջանը միշտ կանգնած է եղբայրական Թուրքիայի կողքին»։