Ադրբեջանը՝ Աստանայում Համաշխարհային և ավանդական կրոնների առաջնորդների կոնգրեսի քարտուղարության նիստում

Հոկտեմբերի 8-ին Ղազախստանի մայրաքաղաք Աստանայում ընթանում է Համաշխարհային և ավանդական կրոնների առաջնորդների կոնգրեսի քարտուղարության XXII նիստը։

Ըստ AZERTAC-ի՝ միջոցառմանը մասնակցում են 20 երկրներից, այդ թվում՝ Ադրբեջանից, Վատիկանից, Մեծ Բրիտանիայից, Եգիպտոսից, Իսրայելից, Հնդկաստանից, Իրանից, Կատարից, Չինաստանից, Կորեայից, Մոնղոլիայից, ԱՄԷ-ից, Պակիստանից Պորտուգալիայից, Ռուսաստանից, Սաուդյան Արաբիայից, Թաիլանդից, Շվեյցարիայից, Ճապոնիայից և Ղազախստանից շուրջ 30 կրոնական առաջնորդներ և միջազգային կազմակերպությունների ղեկավարներ:

Քարտուղարության աշխատանքներին միացել են Ղազախստանի կրոնական միավորումների առաջնորդները, որոնք ներկայացնում են իսլամը, ուղղափառությունը, կաթոլիկությունը, լյութերականությունը և հուդայականությունը:

XXII քարտուղարության հարթակում քննարկվում են 2023–2033 թվականների Համաշխարհային և ավանդական կրոնների առաջնորդների կոնգրեսի զարգացման հայեցակարգի առաջմղմանը, ինչպես նաև Երիտասարդ կրոնական առաջնորդների առաջին ֆորումի կազմակերպմանը վերաբերող հարցեր։