Ադրբեջանը, Վրաստանը, Ռումինիան և Հունգարիան պայմանավորվել են «Կանաչ էներգետիկ միջանցքի» շուրջ

Բուդապեշտում կայացած նախարարական հանդիպման ժամանակ Ադրբեջանը, Վրաստանը, Ռումինիան և Հունգարիան կարևոր պայմանավորվածություններ են ձեռք բերել «Կանաչ էներգետիկ միջանցքի» վերաբերյալ։

Caliber.Az-ի փոխանցմամբ՝ այս մասին X սոցիալական ցանցի իր էջում գրել է Ադրբեջանի էներգետիկայի նախարար Փարվիզ Շահբազովը:

Նա նշել է, որ կողմերը համաձայնեցրել են նախագծի տեխնիկատնտեսական հիմնավորման ավարտը մինչև մարտի վերջ և որոշել դրա իրականացման հետագա միջոցառումները։

«Պայմանավորվածություն է ձեռք բերվել նաև ուսումնասիրել և զարգացնել «Կանաչ էներգետիկ միջանցք» և «Սևծովյան ստորջրյա մալուխ» նախագծերի միջև տեխնիկական և ռազմավարական սիներգիան», - նշել է նախարարը։