ԱԳՆ. Ադրբեջանը ողջունում է Գազայում հրադադարի մասին համաձայնագիրը

Ադրբեջանը ողջունում է՝ Գազայի հատվածում հակամարտող կողմերի միջև հրադադարի և պատանդների ազատ արձակման մասին համաձայնագիրը։ 

Ինչպես հաղորդում է Caliber.Az-ը, այս մասին ասված է Ադրբեջանի ԱԳՆ-ի Х սոցցանցի էջում. «Հուսով ենք, որ բոլոր կողմերը կկատարեն այս համաձայնագիրը, և [խաղաղ բնակիչների] տառապանքները կավարտվեն։ Ադրբեջանը աջակցում է՝ իսրայելա-պաղեստինյան հակամարտության լուծմանը երկու պետությունների սկզբունքների հիման վրա՝ ՄԱԿ-ի Անվտանգության խորհրդի համապատասխան բանաձևերին համապատասխան և կշարունակի աշխատել միջազգային հանրության հետ՝ այդ նպատակին հասնելու համար»,- ասվում է հրապարակման մեջ։