ԱՀ ԱԳՆ. Հաագայի դատարանը մերժել է Հայաստանի հայցը Վարդանյանի գործով

Ապրիլի 25-ին Հաագայի Միջազգային դատարանը մերժել է Հայաստանի մի շարք հայցեր՝ կապված Ռուբեն Վարդանյանի և Բաքվում դատվող ևս 15 հայկական ծագում ունեցող անձանց հետ։

Ինչպես հաղորդում է Caliber.Az-ը, այս մասին ասվում է Ադրբեջանի արտաքին գործերի նախարարության հայտարարության մեջ։

«Ռասայական խտրականության բոլոր ձևերի վերացման մասին միջազգային կոնվենցիայի կիրառման գործով ադրբեջանական կողմի պատասխանն ու ապացույցները դիտարկելով՝ դատարանը որոշել է չպահանջել լրացուցիչ տեղեկություններ և անկախ հետաքննություն կամ փորձագիտական եզրակացություն մեղադրյալների կալանքի պայմանների վերաբերյալ», - հայտնել են արտաքին գործերի նախարարությունում։