ԱՀԿ գլխավոր տնօրենը կայցելի Բաքու

Առողջապահության համաշխարհային կազմակերպության գլխավոր տնօրենը կայցելի Բաքու:

Այս մասին APA-ին հայտնել են Ադրբեջանում ԱՀԿ ներկայացուցչությունից:

Առողջապահության համաշխարհային կազմակերպության (ԱՀԿ) գլխավոր տնօրեն դոկտոր Թեդրոս Ադանոմ Գեբրեյեսուսը մարտի 12-13-ը կայցելի Բաքու՝ մասնակցելու Նիզամի Գյանջևիի Միջազգային կենտրոնի կողմից կազմակերպված Բաքվի XII գլոբալ ֆորումին։

Գեբրեյեսուսը բացման արարողությանը ելույթ կունենա առողջապահության գլոբալ մարտահրավերների և միջազգային համագործակցության կարևորության մասին։ Մարտի 13-ին նա կմասնակցի բազմաբևեռ աշխարհում բազմակողմանիության վերաիմաստավորմանը նվիրված բարձր մակարդակի պանելային քննարկմանը և մասնակիցների հետ կկիսվի առողջապահության գլոբալ կառավարման իր տեսլականով: