Այխան Հաջիզադե. «Ռուսական տունը» լրջորեն խախտում է Ադրբեջանի օրենսդրությունը

Ադրբեջանում «Ռոսսոտրուդնիչեստվո»-ի և ԱՄՆ ՄԶԳ-ի (USAID) նման կազմակերպությունների գործունեությունը կարգավորվում է ազգային օրենսդրության, երկրների միջև փոխադարձության սկզբունքի և երկկողմ հիմունքներով ձեռք բերված համաձայնությունների պահանջներին համապատասխան:

Ինչպես հաղորդում է Caliber.Az-ը, այս մասին հայտարարել է Ադրբեջանի արտաքին գործերի նախարարության մամուլի քարտուղար Այխան Հաջիզադեն։

«Ռուսական կողմին տեղեկացնելուց հետո, որ «Ռուսական տուն» ռուսական տեղեկատվական և մշակութային կենտրոնը, որը Ադրբեջանում «Ռոսսոտրուդնիչեստվո»-ի ներկայացուցչությունն է, գրանցված չէ որպես իրավաբանական անձ և կազմակերպությունը լրջորեն խախտում է Ադրբեջանի օրենսդրությունը, 2025 թվականի փետրվարի 3-ին ռուսական կողմին նոտա է ուղարկվել «Ռուսական տան» գործունեությունը դադարեցնելու մասին։

Նա հավելել է, որ ելնելով ադրբեջանական կողմի՝ մեր երկրում «Ռուսական տան» աշխատանքը դադարեցնելու մասին որոշումից, Ռուսաստանից համապատասխան քայլեր են ակնկալվում այդ ուղղությամբ։