Ազեր Քերիմլի. Ֆրանսիան չհայտարարված պատերազմ է մղում ողջ մարդկության դեմ

Պատմության ընթացքում Ֆրանսիան աջակցել է հայերին, ովքեր իրագործել են տասնյակ հանցագործություններ, այդ թվում՝ Խոջալուի ցեղասպանությունը։

Ինչպես հայտնում է Report-ը, այս մասին ֆրանսիական գաղութների լրատվամիջոցների ներկայացուցիչների հետ հանդիպմանը հայտարարել է՝ Միլլի Մեջլիսին առընթեր Կորսիկայի ժողովրդին աջակցության խմբի անդամ Ազեր Քերիմլին։

Նրա խոսքով, Փարիզը շարունակում է նյութական, բարոյական, քաղաքական ու ռազմական աջակցություն ցուցաբերել Հայաստանի ռևանշիստական ​​ուժերին։

Քերիմլին նշել է, որ 21-րդ դարում գաղութատիրությունը հանդիսանում է ամենալուրջ խնդիրներից մեկը, և Ֆրանսիայի նման քաղաքականությունը չհայտարարված պատերազմ է ողջ քաղաքակիրթ մարդկության և հումանիզմի սկզբունքների դեմ։ «Չմիավորման շարժման նախագահության ժամանակ Ադրբեջանի նախաձեռնած ակտիվ դիմադրության գործընթացը հիմք ստեղծեց՝ «Բանդունգի սկզբունքների» ակտիվ առաջմղման և գաղութատիրությունից ու նեոգաղութատիրությունից տառապող ժողովուրդների իրողությունների առաջմղման համար։ Մեր երկրի դեմ Փարիզի ագրեսիվ քաղաքականության հիմքում ընկած գործոններից մեկը, որը հակասում է միջազգային իրավունքին, հենց Ադրբեջանի աջակցությունն է ֆրանսիական նեոկաղութատիրությամբ տառապող ժողովուրդներին և նեոկայսերական հավակնություններին ենթարկվելուց նրա հրաժարվելը։

Ադրբեջանը կշարունակի աջակցություն ցուցաբերել կարիքավոր մարդկանց, և ոչ մի ճնշում չի կարողանա կոտրել մեր կամքը»,- ասել է նա։