Բաքուն և Անկարան քննարկել են միջխորհրդարանական հարաբերությունները

Հունվարի 24-ին Միլլի Մեջլիսի նախագահ Սահիբա Գաֆարովան ընդունել է Բաքվում Թուրքիայի դեսպան Ջահիթ Բաղչիին՝ Ադրբեջանում նրա դիվանագիտական առաքելության ավարտի կապակցությամբ։

Ինչպես հայտնում է Caliber.Az-ը, հանդիպման ընթացքում մտքեր են փոխանակվել երկու երկրների հարաբերությունների և միջխորհրդարանական կապերի շուրջ։

Հանդիպման ընթացքում նշվել է, որ դեսպան Ջահիթ Բաղչին Ադրբեջանում իր դիվանագիտական գործունեության ընթացքում արդյունավետ աշխատել է երկու եղբայրական երկրների հարաբերությունների հետագա ընդլայնման ուղղությամբ։

Բաղչին երախտագիտություն է հայտնել ուշադրության և աջակցության համար՝ հայտնելով իր պատրաստակամությունը շարունակելու իր ներդրումն ունենալ ադրբեջանա-թուրքական եղբայրության և դաշինքի մեջ։