Բաքուն և Մինսկը քննարկել են պաշտպանական համագործակցության ամրապնդման հարցերը

Մայիսի 21-ին Մինսկում (Բելառուս) իր աշխատանքն է սկսել MILEX-2025 միջազգային սպառազինության և ռազմական տեխնիկայի ցուցահանդեսը։

Ինչպես Caliber.Az-ին հայտնել են պաշտպանական արդյունաբերության նախարարությունից, միջոցառմանը մասնակցում է նաև պաշտպանական արդյունաբերության նախարար Վուգար Մուստաֆաևի գլխավորած ադրբեջանական պատվիրակությունը:

Ցուցահանդեսի շրջանակներում Վուգար Մուստաֆաևը հանդիպել է Բելառուսի պետական ռազմաարդյունաբերական կոմիտեի նախագահ Դմիտրի Պանտուսի հետ։ Հանդիպմանն ընդգծվել է միջազգային պաշտպանական ցուցահանդեսների կարևորությունը, որոնք ստեղծում են եզակի հնարավորություններ՝ ծանոթանալու համաշխարհային պաշտպանական արդյունաբերության վերջին նորարարություններին։

Կողմերը նաև մտքեր են փոխանակել Ադրբեջանի և Բելառուսի միջև պաշտպանական համագործակցության հետագա զարգացման վերաբերյալ։