Բաքուն և Մոսկվան քննարկում են համագործակցությունը հանցավորության և ահաբեկչության դեմ պայքարում

Ռուսաստանում Ադրբեջանի դեսպան Ռահման Մուստաֆաևը հանդիպել է Ռուսաստանի ներքին գործերի նախարար Վլադիմիր Կոլոկոլցևի հետ։

Այս մասին հայտնում է Caliber.Az-ը՝ հղում անելով դիվանագիտական առաքելության մամուլի ծառայությանը։

Զրույցի ընթացքում կողմերը քննարկել են ներքին գործերի մարմինների միջոցով երկու երկրների փոխգործակցության արդի հարցերը, գոհունակություն են հայտնել Ադրբեջանի և Ռուսաստանի միջև համագործակցության ընթացքից միջազգային ահաբեկչության և ծայրահեղականության, անդրազգային կազմակերպված հանցավորության, թմրամիջոցների ապօրինի շրջանառության դեմ պայքարի ոլորտներում, ինչպես նաև սահմանամերձ համագործակցության ոլորտում։