Բաքուն և Տաշքենդը համաձայնեցրել են միջկառավարական հանձնաժողովի նիստի ամսաթիվը

Ադրբեջանը և Ուզբեկստանը նախատեսում են հունիսի 20-ին Բաքվում անցկացնել համագործակցության միջկառավարական հանձնաժողովի 14-րդ նիստը։

Caliber.Az-ի հաղորդմամբ, նույն օրը նախատեսված է նաև անցկացնել III միջտարածաշրջանային ֆորումը, որի շրջանակներում տեղի կունենան նաև B2B հանդիպումներ։

Ֆորումի առանցքային թեմաներն են տարածաշրջանների տնտեսական հեռանկարները և գործընկերային հարաբերությունների զարգացման հնարավորությունները։

Միջկառավարական հանձնաժողովի համանախագահներն են Ադրբեջանի էկոնոմիկայի նախարար Միքայիլ Ջաբբարովը և Ուզբեկստանի ներդրումների, արդյունաբերության և առևտրի նախարար Լազիզ Կուդրաթովը։