Բայրամովն ու Վելդկամպը քննարկել են իրավիճակը Հարավային Կովկասում

Հեռախոսազրույց է տեղի ունեցել Ադրբեջանի և Նիդեռլանդների արտաքին գործերի նախարարներ Ջեյհուն Բայրամովի և Կասպեր Վելդկամպի միջև։

Ինչպես հայտնել են Caliber.Az-ին արտաքին գործերի նախարարությունից, հեռախոսազրույցի ընթացքում քննարկվել են ադրբեջանա-հոլանդական հարաբերությունների տարբեր ասպեկտներ և հետհակամարտային շրջանում տարածաշրջանում տիրող իրավիճակը։

Կողմերը կարևորել են փոխայցելությունները, շփումները միջազգային տարբեր միջոցառումների շրջանակներում և արտաքին գործերի նախարարությունների միջև քաղաքական խորհրդակցությունների մեխանիզմը՝ քննարկելու երկկողմ հարաբերությունների ներկա վիճակը և հեռանկարները։