Բայրամովը ելույթ է ունեցել՝ Գլոբալ զարգացման նախաձեռնության վերաբերյալ բարձր մակարդակի հանդիպմանը

Ադրբեջանի արտաքին գործերի նախարար Ջեյհուն Բայրամովը ելույթ է ունեցել՝ Նյու Յորքում  Գլոբալ զարգացման նախաձեռնության վերաբերյալ բարձր մակարդակի հանդիպմանը։
 
Այս մասին հայտնում է Report-ը, հղում անելով արտաքին գործերի նախարարի Х սոցիալական ցանցի էջում հրապարակմանը։
 
«Ադրբեջանը աջակցում է Չինաստանի կողմից առաջարկված Գլոբալ զարգացման նախաձեռնությանը, Գլոբալ անվտանգության նախաձեռնությանը և Գլոբալ քաղաքակրթությունների նախաձեռնությանը։ Այս նախաձեռնությունները նպաստում են աշխարհում խաղաղությանը, կայունությանը և ընդհանուր բարգավաճմանը, սերտորեն համապատասխանում են մեր նպատակներին և արտացոլում են մեր մոտեցումը, որը հիմնված է համագործակցության և ներառականության վրա՝ գլոբալ մարտահրավերներին դիմակայելու հարցում։
 
Ադրբեջանը, որպես տարածաշրջանում հուսալի գործընկեր, ակտիվորեն նպաստում է միջազգային և տարածաշրջանային խաղաղության պահպանմանը», - նշվում է հրապարակման մեջ։