Բելգիան բարձր է գնահատում Ադրբեջանի դերը Եվրոպայի էներգետիկ անվտանգության ապահովման գործում. Ժյուլիեն դը Ֆրեպոն

Բելգիան բարձր է գնահատում Ադրբեջանի դերը Եվրոպայի էներգետիկ անվտանգության ապահովման գործում։

Caliber.Az-ի փոխանցմամբ՝ այս մասին հայտարարել է Բաքվում Բելգիայի դեսպան Ժյուլիեն դը Ֆրեպոնը Թագավորի օրվա առթիվ կազմակերպված հանդիսավոր ընդունելության ժամանակ։

«Մենք (Բելգիայում - խմբ.) լիովին աջակցում ենք Եվրամիության և Ադրբեջանի միջև հարաբերությունների հետագա խորացմանը։ Այս ամրապնդվող կապերը արտացոլում են համագործակցության վրա հիմնված փոխկապակցված, բաց, կանխատեսելի և կայուն հարաբերություններ կառուցելու համատեղ ցանկությունը։ Ժամանակակից աշխարհում, որտեղ որոշ ուժեր ձգտում են խաթարել այս սկզբունքները, ես հատկապես կարևոր եմ համարում դրանց ամրապնդումը», - նշել է դիվանագետը։