Բիրոլ Աքգյուն. Ադրբեջանը և Թուրքիան ձգտում են ամրապնդել իրենց դիրքերը միջազգային ասպարեզում
Ադրբեջանը և Թուրքիան ձգտում են ամրապնդել իրենց դիրքերը միջազգային հարթակում՝ պաշտպանական արդյունաբերության, թվային փոխակերպման և էներգետիկայի ոլորտներում համագործակցության միջոցով։
Ինչպես հայտնում է Caliber.Az-ը, այս մասին հայտարարել է Ադրբեջանում Թուրքիայի դեսպան Բիրոլ Աքգյունը «Խազարի» համալսարանում «Տեխնոլոգիաների աշխարհաքաղաքականություն» թեմայով ակադեմիական սեմինարի ժամանակ։
Նրա խոսքով՝ Թուրքիայի պաշտպանական արդյունաբերությունում տեղական արտադրության ընդլայնումը նոր հնարավորություններ է բացել երկրի համար և նպաստում է միջազգային գործընկերության զարգացմանը։ «Այդ ոլորտում Ադրբեջանի և Թուրքիայի համագործակցությունը հասել է ռազմավարական մակարդակի»,- նշել է դիվանագետը։
Աքգյունն ընդգծել է, որ երկու երկրների միջև համագործակցությունը կառուցված է երեք հիմնական ուղղություններով. «Առաջին հերթին դրանք համատեղ նախագծեր են պաշտպանական արդյունաբերության և ռազմական ոլորտում։ Համատեղ արտադրության և տեխնոլոգիաների փոխանակման ընդլայնումը նպաստում է ուժեղ պաշտպանական միջավայրի ստեղծմանը։ Երկրորդ՝ էներգետիկ անվտանգությունը։ Թուրքիայի մասնակցությունը TANAP-ին և Բաքու-Թբիլիսի-Ջեյհան նախագծերին կարևոր դեր է խաղում ադրբեջանական էներգառեսուրսների արտահանման գործում»: