Caliber.Az-ը կբացահայտի «Բրյուսելում տեղի ունեցած հավաքի» սենսացիոն մանրամասները. ԿԱՐԵՎՈՐ ՀԱՅՏԱՐԱՐՈՒԹՅՈՒՆ

«Բրյուսելյան հավաքը», որի աղմկահարույց ռազմաքաղաքական օրակարգի մասին բացառիկ հայտնել ենք ապրիլի 3-ին՝ էնթոնի Բլինքենի և Ուրսուլա ֆոն դեր Լեյենի հետ Նիկոլ Փաշինյանի հանդիպումից երկու օր առաջ, առաջին հայացքից ավարտվեց բավականին համեստ արդյունքով։

Հետո շատ ընթերցողների մոտ տրամաբանական հարց առաջացավ՝ մի երկու հարյուր միլիոն դոլարի տնտեսական օգնություն Հայաստանին. իսկապե՞ս հանուն նման մանրուքների, Էնթոնի Բլինքենը, հաշվի առնելով իր զբաղված գրաֆիկը, Վաշինգտոնից թռավ Բրյուսել։ Դեռ այն ժամանակ մեր խմբագիրները հայտնեցին, որ մենք տեսել ենք միայն այն պատկերը, որը մեզ հեռարձակել են Հայաստանն ու Արևմուտքում նրա դաշնակիցները։

Հանդիպումից անմիջապես հետո մեր կայքը տեղեկացրեց, որ անպայման մանրամասներ կներկայացնի Բրյուսելում անդրկուլիսային բանակցությունների և այնտեղ ձեռք բերված պայմանավորվածությունների մասին։ Իսկ հավաստի աղբյուրներից ստացանք տեղեկատվության մի ամբողջ շերտ այն մասին, թե որ ոլորտներում և կոնկրետ ինչ ծրագրերով է Հայաստանին ռազմաքաղաքական աջակցություն ցուցաբերելու ԱՄՆ-ը և Եվրամիությունը։

Ներկայումս մենք վերլուծում ենք ստացված փաստաթղթերը և շուտով այդ տվյալները կկիսվենք լայն հանրության հետ։ Բայց հիմա կարող ենք փաստել, որ Հայաստանին արևմուտքի աջակցության աստիճանը գերազանցել է մեր բոլոր սպասելիքները։ Համոզված ենք, որ Վրաստանն ու Մոլդովան շատ կզարմանան. ի վերջո, հայերը ստանում են մի բան, որի մասին վրացիներն ու մոլդովացիները կարող էին միայն երազել։ Եվ, ցավոք, ամեն ինչ խոսում է այն մասին, որ այդ աջակցությունն ուղղված է առաջին հերթին Ադրբեջանի դեմ։