Չինաստանի դեսպան. Բաքվի և Պեկինի միջև ռազմավարական գործընկերությունն ունի լուսավոր և խոստումնալից ապագա

Չինաստանը պատրաստ է կիսվել գիտական և տեխնոլոգիական նորարարությունների ոլորտում իր նվաճումներով համաշխարհային հանրության, այդ թվում՝ Ադրբեջանի հետ, մասնավորապես՝ թվային ենթակառուցվածքների, արհեստական բանականության և առաջադեմ տեխնոլոգիաների ոլորտներում։

Report-ի փոխանցմամբ՝ այս մասին հայտարարել է Ադրբեջանում Չինաստանի դեսպան Լու Մեյը՝ Ադրբեջանի Լեզուների համալսարանում։

Դիվանագետը նշել է, որ տեխնոլոգիական փոխգործակցությունից բացի, հատուկ նշանակություն ունի նաև համագործակցության զարգացումը տրանսպորտի և կապի ոլորտում։

«Ենթակառուցվածքային կապերի զարգացումը «Մեկ գոտի, մեկ ճանապարհ» նախաձեռնության հիմքն է, և մենք կշարունակենք աշխատել մեր գործընկերների հետ՝ China–Europe Railway Express-ի բազայի հիման վրա կապերը ամրապնդելու, ինչպես նաև Եվրասիական մայրցամաքներում և Տրանսկասպյան միջազգային տրանսպորտային միջանցքում նոր լոգիստիկ երթուղիներ բացելու համար։ Այս ամենը նպատակ ունի ստեղծել մեր տարածաշրջանում փոխգործակցության բազմաչափ ցանց», - նշել է դիվանագետը։

Նրա խոսքով՝ Չինաստանի և Ադրբեջանի միջև համապարփակ ռազմավարական գործընկերությունն ունի լուսավոր և խոստումնալից ապագա։