COP29 ընդունող երկրի մասին համաձայնագրի վերջնական տեքստը պատրաստ կլինի առաջիկայում

Ադրբեջանի կառավարության և Կլիմայի փոփոխության մասին ՄԱԿ-ի շրջանակային կոնվենցիայի քարտուղարության միջև ստորագրվելիք ընդունող երկրի մասին համաձայնագրի վերջնական տեքստը պատրաստ կլինի մոտ առաջիկայում:

Ինչպես հաղորդում է Caliber.Az-ը, այս մասին հայտարարել է ԱՀ նախագահի աշխատակազմի ղեկավար Սամիր Նուրիևը COP29 կազմկոմիտեի հինգերորդ նիստում։

Նրա խոսքով՝ համաձայնագրի տեքստը պատրաստելիս հաշվի են առնվում համապատասխան պետական մարմինների եզրակացությունները։

Նա նշել է, որ Բոննի կլիմայի կոնֆերանսից հետո Ադրբեջանը մտել է COP29-ում իր նախագահության ակտիվ փուլ։

Նուրիևն ասել է, որ պետական մարմինների առաջարկների, ինչպես նաև ՄԱԿ-ի և միջազգային կազմակերպությունների հետ քննարկումների հիման վրա պատրաստվել է 14 նախաձեռնությունների նախնական ցուցակը։ Նաև ՄԱԿ-ի հետ համաձայնությամբ արդեն որոշվել են COP29-ի թեմատիկ օրերը։