Դ-8. Ադրբեջանի անդամակցությունը կազմակերպությանը մեծ նշանակություն ունի

Ադրբեջանի՝ որպես կազմակերպության 9-րդ անդամ-երկրի ընդունումը մեծ նշանակություն ունի Կանոնադրության մեջ ամրագրված նպատակներին հասնելու, կազմակերպության համար լայն հնարավորություններ բացելու և այստեղ ներկայացված պետությունների միջև համագործակցության ամրապնդման տեսանկյունից»։

Ինչպես հաղորդում է Caliber.Az-ը, այս մասին հայտնել են D-8 Տնտեսական համագործակցության կազմակերպությունում։

Մարտի 19-ին ադրբեջանական կողմը D-8 կազմակերպության կանոնադրությունը պաշտոնապես փոխանցեց այս կառույցի քարտուղարությանը, որը տեղակայված է Ստամբուլում (Թուրքիա)։

Տեղեկատվության մեջ նշվում է նաև, որ Ադրբեջանը ներկայացված է եղել 2024 թվականի դեկտեմբերի 19-ին Կահիրեում (Եգիպտոս) տեղի ունեցած 11-րդ գագաթնաժողովին և մասնակից երկրների միաձայն որոշմամբ դարձել է այդ կազմակերպության լիիրավ անդամ։

Վերոնշյալ որոշումից հետո ադրբեջանական կողմը սկսել է D-8 կազմակերպության կանոնադրության վավերացման գործընթացը, և այդ կապակցությամբ Ադրբեջանի Միլլի Մեջլիսի կողմից 2025 թվականի մարտի 7-ին ընդունված օրենքը ստորագրվել է Ադրբեջանի Հանրապետության նախագահի կողմից։