Դատավարություն Բաքվի դատարանում. տուժողը պատմել է հայկական գերության մեջ կտտանքների մասին

Այսօր Բաքվի ռազմական դատարանում շարունակված դատավարության ժամանակ՝ տուժող Վելիահադ Վելիևը պատմել է, որ 44-օրյա պատերազմի ժամանակ՝ 2020 թվականի հոկտեմբերի 22-ին, Զանգիլանում՝ գնդակային և բեկորային վնասվածք է ստացել, գերի է վերցվել Հայաստանի զինված ուժերի զինծառայողների կողմից։
 
AZERTAC-ի փոխանցմամբ՝ Վելիահադ Վելիևը պատմել է, որ միջադեպի ժամանակ նրա մարտական ընկերները զոհվել են։ Այնուհետև տուժողը պատմել է, թե ինչպես են նրան կտտանքների ենթարկել գերության մեջ. նրան հարվածել են բռունցքներով, ոտքերով, փայտով հարվածել են դեմքին և մարմնին, նրան կտտանքների ենթարկողները նույնիսկ օգտագործել են աքցան։
 
Դեկտեմբերի 14-ին Վելիահադ Վելիևը հանձնվել է Ադրբեջանին։
 
Նշենք, որ Բաքվում շարունակվում է՝ խաղաղության և մարդկության դեմ հանցագործությունների, պատերազմական հանցագործությունների, այդ թվում՝ ագրեսիվ պատերազմի նախապատրաստման և վարման, ցեղասպանության, պատերազմի օրենքների և սովորույթների խախտման, ահաբեկչության, ահաբեկչության ֆինանսավորման, իշխանության բռնի զավթման և պահպանման և բազմաթիվ այլ հանցագործությունների մեջ մեղադրվող Հայաստանի քաղաքացիների դատավարությունը։